منتديات همسة شفايف

ااهلا وسهلا بك زائرا في منتدانا...
شرفنا بتسجيلك ان كنت زائرا لنا...
سجل دخولك لنتمتع معك اكتر.....

مع تحيات إداره المنتدى

مرحباً بك يا زائر في منتدى همسة شفايف أسعدنا تواجدك معنا


    الشاعر : أحمد الصانع.... وين ودّتْك الليالي

    شاطر
    avatar
    كل احساس
    نائب المدير
    نائب المدير

    عدد المساهمات : 121
    السٌّمعَة : 1
    تاريخ التسجيل : 06/09/2009
    العمر : 26

    الشاعر : أحمد الصانع.... وين ودّتْك الليالي

    مُساهمة من طرف كل احساس في الخميس سبتمبر 17, 2009 9:13 pm



    غيمه مرَّت في حياتي .. والرَعَد خوَّف غزال ..
    وضاقت الدنيا بـ عيني يا بعد كل " الغوالي " ..!

    رحت أدَوْرِك في جنوبي لين وصَّلت الشمال ..
    والمصيبه .. إنَّ { قلبي } ما هَرَب منّك وجالي !

    هذا آنا .. اللي دوَّرتك وعاااندت "
    المُحال
    " ..
    ما لقيتك ! وينك إنت ؟! ما لقيتك يا منالي !

    إيييه [ ضايق ] من غيابك ومات فيني الإحتمال ..
    بس تأكَّد هذا حظي .. وهذا في دنياي فالي ..!

    ما شكيت إلا لـ حالي يوم عذَّبني الوصال ..
    لمَّا دمَّرني غيابك .. جرحي الأسود طرالي ..!

    أدري إنِّك ما تبالي .. و " غيبتك "أكبر مثال ..!
    وشي طبيعي لو جرحني قلبك اللي .. ما وُفالي !

    وتدري إنِّي مآتحرَّك شامخٍ مثل الـ " جبال " ..!
    وماخضعت إلا لـ ربٍ وقت هالضيقه صفالي ..

    ياللي تسأل عن جديدي و وين ودَّاني الخيال ..
    تحسِب إنِّي بالقصايد أكتب إحساسي .. وأبالي ..

    ما دريت ..! إنْهَا حرُوفي كلَّهَا ظيييم الليال ..
    وكل قصيده في غيابك قلتَهَا , وآنا لـ حالي ..!

    ما سمعها غير " قلبي " .. والله يا ولد الحلال ..
    وإلا أنا ما جيت أكتب وآنا في دنياي سااالي !

    جيت إلى شاطئ خيالي . . . زايرٍ قصر الرمال ..
    وإنصدمت إنَّه تهدَّم ! لاحَرَس يحميه ..و والي !

    ودِّي أكتب لك قصيده و ودِّي أرسم لك هلال ..!
    صفحتين بـ إيد
    شاعر
    مُرهف إحساسه خيالي ..!

    القصايد يا حبيبي هي ترى مثل : [
    العيال
    ] ..
    ومن رحلت بعيييد عنِّي .. قمت أتفقَّد عيالي ..!

    وين ودَّتك الليالي ؟! هذا هو أصعب سؤال !
    وما لقى قلبي إجابه . . . وين ودَّتك الليالي !

    ترجف أيامي حبيبي وصارت الفرحه " محُال " ..!
    بردك اللي ما رَحَمني.. شوووف منّه وش جرالي !

    ما بقى أي شي [ غالي ] .. وضعت في كلمة ( تعال ) ..!
    وما ذبحني غير إنِّك . . . . . يا بعد دنياي "
    غااالي
    " ..!

    لا بغى يتركني قلبك .. تكفى وصَّهـ بالعدال !
    إبعد شويَّه .. وإرجع .. وإبعد .. وإقطع وصالي ..!

    ليه يعني في البدايه جيت . . يسْبقْك الدلال ؟!
    وليه [ تتقهوى ] غرامي وتنثر بـ إيدك " دلالي " ..!

    قلت لك : إنَّ المحبه , ما تْحشِم قَدر الرجال ..
    لـ إستوى بعين {
    المحبَّه
    } الثقل ويَّا هبالي ..!

    وقلت لك : نظرة عيونك من علامات الجمال ..!
    إستغفر الله .. لا نظرت المُر صار المُر "
    حالي
    " ..!

    وقلت لك : ما أبي أحبك .. وإنثنى راس العقال !!
    قلبي عاندني وحبِّك ..وطااح من راسي [ عقالي ] ..!

    تَحْسِب إنَّه زال حبك ؟! لا يا عمري " ما يزال " ..!
    صعبه يتغيَّر مكانك . . . وإنت لي أوَّل وتالي ..!

    الغنى .. ماهُو حصيلٍ من . . . دنانير ومال ..!
    الغنى .. معناه شوفك يا حبيبي وراس مالي ..!

    كيف أعزِّل عن ديارك وما قوى قلبي الرحال ؟!
    ما صمل قلبي فراقك .. وكانت ديارك " رحالي " ..!

    كيف أجاوب من سألني وآنا في حالة .. ضلال ..
    وينه عنّك من تحبه ؟! والسؤال بصوت عاالي ..!

    قلت ما أسمَع .. وعاد الكلمه مرَّاتـٍـ وقال :
    لا إتّهَرَّبْ من سؤالي .. لا إتّهَرَّبْ من سؤالي ..!

    وين ودَّته الليالي ؟! حيييل يحرجني [ السؤال ] ..
    والمُصيبه إنِّي مدري ..!
    وين ودّتك الليالي
    !!

    :

    [ أحمد الصانع ] ..




    _________________
    avatar
    روحي تحبك
    عضو ذهبي
    عضو ذهبي

    عدد المساهمات : 295
    السٌّمعَة : 4
    تاريخ التسجيل : 14/09/2009
    العمر : 36

    بطاقة الشخصية
    الملك:
    0/0  (0/0)

    رد: الشاعر : أحمد الصانع.... وين ودّتْك الليالي

    مُساهمة من طرف روحي تحبك في الجمعة سبتمبر 18, 2009 8:19 am

    وااااااااااااااااو كلمات معبره وخاصه القصايد ياحبيبي مثل العيال من رحلت بعيد قمت اتفقد عيالي مشكور وبصراحه حبيت القصيده
    avatar
    كل احساس
    نائب المدير
    نائب المدير

    عدد المساهمات : 121
    السٌّمعَة : 1
    تاريخ التسجيل : 06/09/2009
    العمر : 26

    رد: الشاعر : أحمد الصانع.... وين ودّتْك الليالي

    مُساهمة من طرف كل احساس في الجمعة سبتمبر 18, 2009 8:21 am

    شكرا على الرد الجميل


    _________________
    avatar
    دلوعة المغرب
    مشرفة القسم
    مشرفة القسم

    عدد المساهمات : 428
    السٌّمعَة : 4
    تاريخ التسجيل : 08/09/2009
    العمر : 31
    الموقع : فـَوِوِق مسسس‘ـَتوى البششش‘ـَـَـرِرِ . .}~

    بطاقة الشخصية
    الملك:
    0/0  (0/0)

    رد: الشاعر : أحمد الصانع.... وين ودّتْك الليالي

    مُساهمة من طرف دلوعة المغرب في الجمعة سبتمبر 18, 2009 12:13 pm

    صح لسآن من قآيلها

    و سلمت انامل من نقلها لنا

    يسلمووووو عالطرح


    _________________

      الوقت/التاريخ الآن هو الإثنين ديسمبر 17, 2018 6:17 am